માનાં નવલા નોરતાના પાવન અવસરે સરકારી ઉચ્ચતર માધ્યમિક શાળા, બગથળા ખાતે ભક્તિભાવથી મા આરાધના કાર્યક્રમ યોજાયો.
શાળાના વિદ્યાર્થીઓએ સવારના સમયે પરંપરાગત ધાર્મિક વાતાવરણમાં માતાજીની પૂજા-અર્ચના કરી અને આરતી ઉતારી પર્વનો શુભારંભ કર્યો. ત્યારબાદ રંગીન પરંપરાગત વસ્ત્રોમાં વિદ્યાર્થીઓએ તાળી ગરબા અને રાસના તાલે મન મૂકીને ગરબા રમ્યા.
ઉત્સાહભરી વિદ્યાર્થીઓની હાજરીથી સમગ્ર શાળા પ્રાંગણ ભક્તિ અને ઉત્સવના રંગોથી છલકાયું. આ પ્રસંગે વિદ્યાર્થીઓમાં સાંસ્કૃતિક મૂલ્યો, પરંપરાની જાગૃતિ તથા ભક્તિભાવનો સુંદર વિકાસ થયો.
નવરાત્રિના આ પાવન અવસરે યોજાયેલ મા આરાધના કાર્યક્રમ અત્યંત યાદગાર, રંગીન અને ભવ્ય રહ્યો.
