મોરબી તાલુકાના જેતપર ગામમાં થોડાક સમય પૂર્વે બનાવવામાં આવેલ મુખ્ય માર્ગ ટૂટી જતાં ગ્રામજનોને ભારે હાલાકીનો સામનો કરવો પડી રહ્યો હતો. ગામના રહેવાસીઓએ આ મુદ્દો જિલ્લા પંચાયત સભ્ય અજય લોરિયાના ધ્યાનમાં મુક્યો.
પ્રજાના પ્રશ્ન અને તેમના દૈનિક અવરજવર દરમિયાન પડતી મુશ્કેલીઓને પ્રાથમિકતા આપીને, અજય લોરિયાએ કોઈપણ સરકારી ફંડની રાહ જોયા વગર પોતાના સ્વખર્ચે રોડ રીપેરનું કામ કરાવ્યું. કામ પૂર્ણ થતા ગામજનોને રાહત મળી અને લોકોએ અજય લોરિયાના આ સેવા ભાવ માટે તેમનો આભાર વ્યક્ત કર્યો.
આ પગલું પ્રજા પ્રતિનિધિ તરીકેની જવાબદારી અને લોકસેવા માટેની પ્રતિબદ્ધતાનું ઉત્તમ ઉદાહરણ પૂરું પાડે છે.
