મોરબી : મોરબી–રાજકોટ હાઇવે પર બાયપાસ રોડ ઉપર આવેલી ડીવાઈન, ઇન્દ્રપ્રસ્થ અને શ્રીજી પાર્ક સોસાયટીમાં ભૂગર્ભ ગટર ઉભરાવાની ગંભીર સમસ્યાને પગલે સ્થાનિક રહેવાસીઓએ રાત્રિના સમયે ચક્કાજામ કર્યું હતું. અંદાજે દોઢ કલાક ચાલેલા ચક્કાજામને કારણે એક તરફ રાજપર ચોકડી અને બીજી તરફ જુના આરટીઓ સુધી વાહનોની લાંબી કતારો લાગી ગઈ હતી.
પ્રાપ્ત વિગતો મુજબ, મુખ્ય રોડ ઉપર ભૂગર્ભ ગટર લાઇનમાં ખામી સર્જાતા ખાડા પડી ગયા હતા, જે બાદ મહાપાલિકાએ ત્યાં કામગીરી કરી હતી. જોકે, આ કામગીરી બાદ બાજુમાં આવેલી ત્રણ સોસાયટીમાં ગટરનું ગંદું પાણી ઘરો અને રસ્તાઓમાં પ્રવેશવા લાગ્યું હતું. સ્થાનિક રહેવાસી જસવંતીબેનના જણાવ્યા મુજબ, ડીવાઈન પાર્ક સોસાયટીમાં છેલ્લા એક અઠવાડિયાથી ગટરો ઉભરાઈ રહી છે. પાણી ભરાવાને કારણે મચ્છરોનો ત્રાસ વધી ગયો છે, રસ્તાઓ પર પાણી ભરાઈ ગયા છે અને ગટર કુંડીઓ ખુલ્લી રહેતાં બાળકો માટે જોખમ ઉભું થયું છે. ટાંકા તથા નળમાં પણ ગંદું પાણી આવતું હોવાથી રોગચાળાનો ભય ફેલાયો છે. આ અંગે વારંવાર ફોન દ્વારા રજૂઆત કરવા છતાં કોઈ યોગ્ય કાર્યવાહી ન થતાં સ્થાનિકોમાં રોષ ફાટી નીકળ્યો હતો.
અન્ય સ્થાનિકોના જણાવ્યા અનુસાર, ત્રણેય સોસાયટીઓમાં આશરે 1000 જેટલા ઘરો આ સમસ્યાથી પ્રભાવિત થયા છે. ઘરોમાં પીવાના પાણીની લાઇનમાં પણ ગટરનું પાણી આવતું હોવાની ફરિયાદો છે. આ ઉપરાંત, વિસ્તારમાં લાઇટો પણ બંધ કરી દેવામાં આવતા પરિસ્થિતિ વધુ વણસી હતી. પરિણામે સાંજે 6:30 વાગ્યાના અરસામાં સ્થાનિકોએ બાયપાસ રોડ પર ચક્કાજામ શરૂ કર્યો હતો.
રાત્રીના લગભગ 7:45 વાગ્યે મહાપાલિકાના ભૂગર્ભ વિભાગના ડેપ્યુટી એન્જિનિયર પ્રશાંત કંઝારિયા ઘટનાસ્થળે પહોંચ્યા હતા અને સ્થાનિકોને સમજાવી યોગ્ય કામગીરીની ખાતરી આપતા ચક્કાજામ હટાવવામાં આવ્યો હતો. ડેપ્યુટી એન્જિનિયરના જણાવ્યા અનુસાર છેલ્લા 10 દિવસથી અહીં કામગીરી ચાલુ છે અને તાત્કાલિક ટીમને બોલાવી લેવામાં આવી છે. સમસ્યાનું સંપૂર્ણ નિરાકરણ ન આવે ત્યાં સુધી કામગીરી ચાલુ રાખવામાં આવશે.
ચક્કાજામ હટ્યા બાદ ધીમે ધીમે ટ્રાફિક ક્લિયર થવાનું શરૂ થયું હોવાનું જાણવા મળ્યું છે.
મોરબી : મોરબી- રાજકોટ હાઇવે પર બાયપાસ રોડ ઉપર ત્રણ સોસાયટીમાં ભૂગર્ભ ગટર ઉભરાવાની સમસ્યાને પગલે સ્થાનિકોએ રાત્રીના સમયે ચક્કાજામ કર્યો હતો. અંદાજે દોઢ કલાક ચક્કાજામ રહેતા એક તરફ રાજપર ચોકડી અને બીજી તરફ જુના આરટીઓ સુધી વાહનોની કતારો જામી છે. બીજી તરફ અત્યારે ડેપ્યુટી એન્જીનીયર દ્વારા કામગીરી શરૂ કરવાની ખાતરી આપવામાં આવતા મામલો થાળે પડ્યો છે.
પ્રાપ્ત વિગતો અનુસાર મુખ્ય રોડ ઉપર ભૂગર્ભ ગટરની સમસ્યા હતી. ત્યાં ખાડા પણ પડી ગયા હતા. જેથી મહાપાલિકાએ ત્યાં કામ કર્યું હતું. પછી બાજુમાં આવેલ ડીવાઈન, ઇન્દ્રપ્રસ્થ અને શ્રીજી પાર્ક સોસાયટીમાં ભૂગર્ભ ગટરનું પાણી આવવાનું શરૂ થયું છે. સ્થાનિક જસવંતીબેને જણાવ્યું કે ડીવાઈન પાર્કમાં અઠવાડિયાથી ગટરો ઉભરાઈ રહી છે. અહીં પાણી મોટા પ્રમાણમાં ભરાઈ ગયા છે. મચ્છરોના ત્રાસ થઈ રહ્યો છે. રોડ-રસ્તામાં નદી ભરાઈ ગઈ છે. ભૂગર્ભ ગટરની કુંડીઓ ખુલ્લી હોય છે. બાળકો ઉપર જોખમ મંડરાઈ રહ્યું છે. ટાકામાં ગટરના પાણી આવે છે. જેનાથી રોગચાળો ફેલાઈ રહ્યો છે. અમે ફોન ઉપર રજૂઆતો કરી છે પણ કોઈ પરિણામ આવ્યું નથી.
અન્ય સ્થાનિકોના જણાવ્યા અનુસાર અહીં ત્રણ સોસાયટીના 1000 જેટલા ઘરોમાં આ સમસ્યા છે. બધા ઘરમાં આ પ્રશ્ન છે. નળમાં પણ આ ગંદા પાણી આવે છે. અહીં લાઈટો પણ બંધ કરી દેવામાં આવી છે. આ ચક્કાજામ સાંજે 6:30 વાગ્યાના અરસામાં શરૂ થયો હતો. રાત્રીના 7:45 વાગ્યે મહાપાલિકાના ભૂગર્ભ વિભાગના ડેપ્યુટી એન્જી. પ્રશાંત કંઝારિયાએ સ્થાનિકોને સમજાવી મામલો થાળે પડાવતા ચક્કાજામ હટ્યો છે. તેઓના જણાવ્યા અનુસાર છેલ્લા 10 દિવસથી અહીં કામગીરી ચાલુ છે. ટિમને અત્યારે જ અહીં બોલાવી લેવાય છે. જ્યાં સુધી આ પ્રશ્નનું સોલ્યુશન નહિ આવે ત્યાં સુધી ટિમ કામગીરી ચાલુ રાખશે. ઉલ્લેખનીય છે કે આ ચક્કાજામ હટતા હવે ધીમી ગતિએ ટ્રાફિક ક્લિયર થવાનું શરૂ થયું છે.
