મોરબી: આવનારી તા. 15/02/2026, રવિવારના રોજ મહાશિવરાત્રીના પવિત્ર પર્વ નિમિત્તે મોરબીના સ્ટેશન રોડ સ્થિત શ્રી જડેશ્વર મહાદેવ મંદિર ખાતે દિવસભર વિવિધ ધાર્મિક અને આધ્યાત્મિક કાર્યક્રમો યોજાનાર છે. આ પાવન પ્રસંગે શહેર તથા આસપાસના ભક્તજનોને દર્શન-પૂજન અને સેવા કાર્યોમાં જોડાવા મંદિર સમિતિ દ્વારા હાર્દિક આમંત્રણ પાઠવાયું છે.
કાર્યક્રમોની શરૂઆત સવારે 06:00 કલાકે પ્રથમ આરતી સાથે થશે. ત્યારબાદ સવારે 07:30 કલાકે ભક્તોને ભાંગ પ્રસાદનું વિતરણ કરવામાં આવશે. સવારે 09:00 કલાકે ધજા ચડાવવાનો શાસ્ત્રોક્ત મુહૂર્ત નિર્ધારિત છે.
બપોરે 12:00 કલાકે મધ્યાન આરતી યોજાશે અને ત્યારબાદ 12:30 કલાકે બ્રહ્મભોજનનું આયોજન કરવામાં આવ્યું છે, જેમાં ભક્તો પ્રસાદી રૂપે ભોજનનો લાભ લઈ શકશે.
બપોરે 03:00 થી 06:00 વાગ્યા સુધી મહાદેવના આકર્ષક શૃંગારની વિધિ થશે અને સાંજે 06:00 વાગ્યાથી શૃંગાર દર્શન માટે દ્વાર ખુલ્લા રહેશે. સાંજે 07:00 વાગ્યે 108 દીવાઓ દ્વારા ભવ્ય દીપમાલા પ્રગટાવવામાં આવશે, જે ભક્તિભાવથી માહોલને દિવ્ય બનાવશે. ત્યારબાદ 07:30 કલાકે ભગવાન ભોળાનાથની મહાઆરતી યોજાશે.
રાત્રે 10:00 વાગ્યાથી વહેલી સવારે 04:00 વાગ્યા સુધી ચાર પ્રહરની વિશેષ મહાપૂજા કરવામાં આવશે, જેમાં ભક્તો રાત્રિ જાગરણ સાથે પૂજન-અર્ચન કરી શકશે.
મંદિર સમિતિએ ભક્તોને તન, મન અને ધનથી સહભાગી થવા વિનંતી કરી છે.
બ્રહ્મભોજનમાં દાતા તરીકે સહયોગ આપી શકાય છે.
ભાંગ વિતરણમાં સેવક તરીકે સેવા આપી શકાય છે.
ચાર પ્રહરની પૂજામાં પણ સમયદાન આપી સેવાભાવ વ્યક્ત કરી શકાય છે.
વધુ માહિતી માટે રાજુભાઈ (મો. 9909958188) અને **યશવંતભાઈ (મો. 9974768005)**નો સંપર્ક કરવા યાદીમાં જણાવાયું છે.
