‘સેવા એ જ સંપત્તિ ફાઉન્ડેશન’ની અનોખી જીવદયા પહેલ, શહેરજનોને જોડાવા અપીલ
મોરબી : ઉનાળાની વધતી જતી કાળઝાળ ગરમી વચ્ચે નિર્દોષ પક્ષીઓની તરસ શમાવવા માટે મોરબીના સેવાભાવી યુવાન અજય લોરીયા અને ‘સેવા એ જ સંપત્તિ ફાઉન્ડેશન’ દ્વારા એક પ્રશંસનીય પહેલ હાથ ધરવામાં આવી છે.
આ પહેલ અંતર્ગત આવતી કાલે તા. 21 માર્ચ, 2026 (શનિવાર) ના રોજ સવારે 9:00 વાગ્યાથી મોરબીના સુપર માર્કેટ પાસે, શનાળા રોડ પર નિઃશુલ્ક પક્ષીઓ માટે પાણીના કુંડાનું વિતરણ કરવામાં આવશે.
ગરમીના દિવસોમાં પાણીના અભાવે પક્ષીઓ માટે જીવવું મુશ્કેલ બની જાય છે ત્યારે આ પ્રકારની સેવા કાર્ય સમાજ માટે પ્રેરણારૂપ સાબિત થાય છે. ‘સેવા એ જ સંપત્તિ ફાઉન્ડેશન’ દ્વારા કરવામાં આવતું આ કાર્ય જીવદયાની ભાવનાને મજબૂત બનાવે છે.
આ પ્રસંગે આયોજક અજય લોરીયા દ્વારા મોરબીના તમામ નાગરિકોને આ સેવા કાર્યનો લાભ લેવા અને પોતાના ઘરના આંગણે અથવા આસપાસ પક્ષીઓ માટે પાણીના કુંડા મૂકી જીવદયાના પુણ્ય કાર્યમાં સહભાગી થવા હાર્દિક આમંત્રણ પાઠવવામાં આવ્યું છે.
