ચામુંડા જવેલર્સના દેવાંગ સોનીએ અદભુત ફોટોગ્રાફી કલા સાથે આંતરરાષ્ટ્રીય મંચ પર પ્રતિષ્ઠિત સ્થાન મેળવ્યું

(જયદેવ બુધ્ધભટ્ટી) કચ્છની ધરતી હંમેશાં કલા અને સર્જનશીલતાના ક્ષેત્રે આગવી ઓળખ ધરાવે છે. હવે નખત્રાણાના યુવા પ્રતિભાશાળી ફોટોગ્રાફર દેવાંગ સોનીએ પોતાનું કૌશલ્ય વિશ્વ સ્તરે પ્રદર્શિત કરીને સમગ્ર કચ્છનું, મારુ કંસારા સોની સમાજનું ગૌરવ વધાર્યું છે.

દેવાંગ સોનીએ ‘35AWARDS’ તરીકે વિશ્વપ્રખ્યાત આંતરરાષ્ટ્રીય ફોટોગ્રાફી સ્પર્ધામાં ભાગ લીધો હતો. આ પ્રતિષ્ઠિત સ્પર્ધામાં 1,70,370 ફોટોગ્રાફર્સના કુલ 4,03,000 થી વધુ ફોટોગ્રાફ્સ પ્રાપ્ત થયા હતા. અત્યંત તીવ્ર સ્પર્ધા વચ્ચે દેવાંગ સોનીએ પોતાની સર્જનાત્મકતા અને અનોખી દૃષ્ટિના આધારે ટોપ 4% બેસ્ટ ફોટોગ્રાફર તરીકે સ્થાન મેળવીને પોતાની ક્ષમતા સાબિત કરી છે.

ચામુંડા જવેલર્સ પરિવારના દેવાંગ સોનીની આ સિદ્ધિ સમગ્ર કચ્છ માટે ગૌરવની બાબત છે. ફોટોગ્રાફીમાં તેમની ઉત્કૃષ્ટતા અને સતત મહેનત તેમને વૈશ્વિક કક્ષાએ લઇ જવાનું મહત્વનું પગલું સાબિત થયું છે. દેવાંગ સોનીની આ સિદ્ધિથી નખત્રાણા સહીત સમગ્ર કચ્છમાં અભિનંદનનો વરસાદ થઈ રહ્યો છે.








