રાજકોટ ખાતે કંસારા સેવાસમાજની વિંગ ‘MKBN’ (મારુ કંસારા બિઝનેસ નેટવર્ક) દ્વારા પ્રથમ બિઝનેસ મિટિંગનું સફળ આયોજન કરવામાં આવ્યું હતું. આ મિટિંગમાં બિઝનેસ નેટવર્ક સાથે જોડાયેલા સભ્યો મોટી સંખ્યામાં ઉપસ્થિત રહ્યા હતા અને પોતાના વ્યવસાય અંગે માહિતીની આપ-લે કરી નેટવર્કિંગને મજબૂત બનાવ્યું હતું.
મારુ કંસારા બિઝનેસ નેટવર્કની રચના ઇન્ટર સર્કલ બિઝનેસ ગ્રોથ માટે કરવામાં આવી છે, જે સભ્યોને વ્યવસાયિક રીતે આગળ વધવામાં સહાયરૂપ બને છે. આ પ્રથમ મિટિંગનું સંચાલન MKBN વિંગના પ્રમુખ રાજેન્દ્રભાઇ મેવચા તથા ધવલભાઈ પરમારે કર્યું હતું.
આ મિટિંગમાં જૂનાગઢથી કંસારા સેવા સમાજના પ્રમુખ ક્રિષ્નાબેન બારમેડા વિશેષ ઉપસ્થિત રહી સભ્યોને શુભકામનાઓ પાઠવી હતી અને આ પહેલને બિરદાવ્યું હતું.
પ્રથમ મિટિંગમાં જ 6 સભ્યોને સ્થળ પર જ બિઝનેસ લીડ પ્રાપ્ત થતા ઉત્સાહનો માહોલ જોવા મળ્યો હતો. લીડ મેળવનાર સભ્યોએ આ મિટિંગને શુભ શરૂઆત ગણાવી હતી.
કાર્યક્રમમાં દિવ્યદ્રષ્ટિ મીડિયા પરિવારના મોભી વડીલ અને અગ્રણી કિશનભાઇ બુધ્ધભટ્ટી ખાસ ઉપસ્થિત રહી સમાજના આ પ્રયાસને સફળતા મળે તેવી શુભેચ્છાઓ પાઠવી હતી. આ ઇવેન્ટમાં મારુ કંસારા સમાજના અગ્રણીઓ, આમંત્રિત મહેમાનો તેમજ MKBN ના ઓફિશિયલ મેમ્બર્સ ઉપસ્થિત રહી ઇન્ટર સર્કલ બિઝનેસ ગ્રોથ માટે સંકલ્પબદ્ધ થયા હતા.
