મોરબીમાં હવે જે સિરામિક એકમોમાં નાણાં ફસાયેલા છે.તેની સામે કેસ કરી કાયદેસરની પ્રક્રિયા હાથ ધરવામાં આવશે. તેવો નિર્ણય સિરામિક રો-મટિરિયલ્સ એસોસિએશનની આજે મળેલી બેઠકમાં… મોરબીમાં હવે જે સિરામિક એકમોમાં નાણાં ફસાયેલા છે.
તેની સામે કેસ કરી કાયદેસરની પ્રક્રિયા હાથ ધરવામાં આવશે. તેવો નિર્ણય સિરામિક રો-મટિરિયલ્સ એસોસિએશનની આજે મળેલી બેઠકમાં લેવામાં આવ્યો છે.આ નિર્ણયને એસોસિએશનના તમામ વેપારીઓએ વધાવ્યો છે.
મોરબી સિરામિક રો-મટિરિયલ્સ એસોસિએશનની આજે બેઠક મળી હતી. જેમાં અંદાજે સિરામિક એકમોને રો-મટિરિયલ્સ સપ્લાય કરતા અંદાજે 350 જેટલા વેપારીઓ ઉપસ્થિત રહ્યા હતા. સતિષભાઈ પટેલના જણાવ્યા અનુસાર આ બેઠકમાં ત્રણ મહત્વપૂર્ણ નિર્ણયો લેવામાં આવ્યા છે.
જેમાં રો-મટિરિયલ્સના વેપારીના પૈસા જે સિરામિક એકમમાં ફસાયા છે.તેની સામે કેસ કરવામાં આવશે. આ ઉપરાંત જે એકમોનું પેમેન્ટ આવતું નથી અને ચેક રિટર્ન થયા છે તેને માલની સપ્લાય બંધ કરવામાં આવશે. સાથે હવેથી સિરામિક એકમો સાથે પેમેન્ટ ટર્મ ફિક્સ કરીને જ માલ આપવાનો રહેશે. આ ત્રણ નિર્ણયોમાં તમામ વેપારીઓએ સહમતી દર્શાવી છે.
