Category: Featured

મોરબીમાં ૧૮ ડિસેમ્બરના રોજ વાઇબ્રન્ટ ગુજરાત અંતર્ગત પ્રભારી મંત્રી ત્રિકમ છાંગાની અધ્યક્ષતામાં સવારે ૧૦:૩૦ થી ૧૭:૦૦ દરમિયાન કેશવ બેંક હોલ, લીલાપર રોડ, મોરબી ખાતે જિલ્લા સ્તરીય કાર્યક્રમ યોજનાર છે. આ કાર્યક્રમના આયોજન માટે જિલ્લા કલેક્ટર કે.બી. ઝવેરીના માર્ગદર્શન હેઠળ જિલ્લા ઉદ્યોગ કેન્દ્ર દ્વારા વિવિધ તૈયારીઓ કરવામાં આવી રહી છે.

આ બાબતે જિલ્લા ઉદ્યોગ કેન્દ્રના જનરક મેનેજર એસ.બી. પારેજીયાએ જણાવ્યું હતું કે, રાજકોટ ખાતે યોજાનાર વાઇબ્રન્ટ ગુજરાત રિજીયોનલ કોન્ફરન્સ અંતર્ગત આયોજિત જિલ્લા સ્તરીય આ કાર્યક્રમમાં મોરબી જિલ્લામાં આવેલા ઔદ્યોગિક એકમો દ્વારા નવા મૂડી રોકાણ કરવામાં આવશે

જેના MoU પણ આ દરમિયાન થશે. વધુમાં મંત્રીના હસ્તે જિલ્લાના વિવિધ એકમોને સરકારની યોજનાઓ અંતર્ગત લાભોનું વિતરણ કરવામાં આવશે. ઉપરાંત જિલ્લાના ઉદ્યોગકારોને GST/Labour ના કાયદાઓ, GeM (Government e-Market Place) તથા સરકારની વિવિધ ઔદ્યોગિક પ્રોત્સાહક યોજનાઓ વિશે માર્ગદર્શન આપવા સેમીનારનું પણ આયોજન કરવામાં આવ્યું છે.

જિલ્લાના ઉદ્યોગકારો તેમના સ્વદેશી ઉત્પાદનોનું પ્રદર્શન / વેચાણ કરી શકે તે માટે ૨૦ જેટલા સ્ટોલનું પ્રદર્શન પણ ગોઠવવામાં આવશે કે, જ્યાં વિવિધ માર્ગદર્શન માટે સરકારી કચેરીઓના સ્ટોલ પણ ઉપલબ્ધ રહેશે.

આ કાર્યક્રમમાં જિલ્લા પંચાયતના પ્રમુખ, સાંસદઓ, ધારાસભ્યઓ સહિત જિલ્લાના પદાધિકારીઓ, જિલ્લાના અગ્રણી ઉદ્યોગકારો તથા પ્રતિષ્ઠિત મહાનુભાવો ઉપસ્થિત રહેશે. ત્યારે આ કાર્યક્રમમાં બહોળી સંખ્યામાં ઉપસ્થિત રહી આ આયોજનનો વધુને વધુ લાભ લેવા જિલ્લા વહીવટી તંત્ર દ્વારા ઉદ્યોગકારો, નવા ઉદ્યોગ સાહસિકો તથા મોરબી જિલ્લાવાસીઓને અનુરોધ કરવામાં આવ્યો છે.

મુખ્યમંત્રી ભૂપેન્દ્ર પટેલે કચ્છ રણોત્સવ 2025નો સફેદ રણ ધોરડોથી પ્રારંભ કરાવતા સ્પષ્ટપણે જણાવ્યું કે, કચ્છના રણને પ્રવાસનનું તોરણ અને વિશ્વ માટે ફેવરીટ ટુરીઝમ ડેસ્ટીનેશન બનાવવાનું વડાપ્રધાનનું સપનું સાકાર થયું છે.

રણોત્સવ હવે ગ્લોબલ ઈવેન્ટ બની ગયો છે અને સમાજ, સંસ્કૃતિ અને સમૃદ્ધિના સંગમથી વડાપ્રધાનની પ્રેરણાથી રચાયેલું ધોરડો મોડલ વિશ્વભરના તજજ્ઞો માટે કેસ સ્ટડી બન્યું છે.

મુખ્યમંત્રી ભૂપેન્દ્ર પટેલે વંદે માતરમ-રાષ્ટ્રીય ગીતના 150 વર્ષના અવસરને સાંકળતા એકત્વ- એક દેશ, એક ગીત, એક ભાવના થીમ આધારીત સાંસ્કૃતિક કાર્યક્રમમાં દેશના વિવિધ રાજ્યો, કચ્છી કલા અને ગુજરાતની સંસ્કૃતિને ઉજાગર કરતી કૃતિઓના રંગારંગ સાંસ્કૃતિક કાર્યક્રમ સાથે રણોત્સવનું ઉદઘાટન કર્યુ હતું.

તેમણે કચ્છના પ્રવાસનને વેગ આપવા લખપત કિલ્લો, તેરા હેરિટેજ વિલેજ અને ધોરડોના રૂ. 179 કરોડના વિવિધ વિકાસકાર્યોના ઈ-લોકાર્પણ અને ખાતમૂહુર્ત શ્રમ અને રોજગાર મંત્રી કુંવરજીભાઈ બાવળીયા, ઉચ્ચ શિક્ષણ અને તાંત્રિક શિક્ષણ રાજ્યમંત્રી ત્રિકમભાઈ છાંગાની ઉપસ્થિતિમાં કર્યા હતા.

મુખ્યમંત્રીએ કહ્યુ કે, તત્કાલિન મુખ્યમંત્રી તરીકે નરેન્દ્રભાઈ મોદીએ રણોત્સવની શરૂઆત કરાવતા કહ્યુ હતું કે, એક દિવસ દુનિયાભરમાંથી પ્રવાસીઓ ધોરડો આવશે અને કચ્છની સંસ્કૃતિને માણશે. આ વાત આજે સાચી થઈ છે. વર્લ્ડ ટૂરિઝમ ઓર્ગેનાઈઝેશને ધોરડોને `બેસ્ટ ટુરિઝમ વિલેજ’નો એવોર્ડથી નવાજ્યુ છે.

કચ્છી ભૂંગા અને કચ્છની ભાતીગળ લોક સંસ્કૃતિ સાથે આધુનિક સુવિધા સાથેના ટેન્ટ સિટીથી વડાપ્રધાનનો `વિરાસત ભી, વિકાસ ભી’ અભિગમ સાકાર થયો છે એમ તેમણે ઉમેર્યું હતું.

રણોત્સવમાં આવતા લાખો સહેલાણીઓના કારણે પરંપરાગત કલાકૃતિઓને વૈશ્વિક બજાર મળવા સાથે ગ્રામીણ મહિલાઓના આર્થિક સશક્તિકરણ અને સ્થાનિક હસ્તકલા કારીગરી ચીજવસ્તુઓને વોકલ ફોર લોકલ અને લોકલ ફોર ગ્લોબલને વેગ મળ્યો છે.

પ્રવાસીઓની સુવિધા માટે હજી વધારેને વધારે ઇન્ફ્રાસ્ટ્રક્ચર ડેવલપ કરવાની રાજ્ય સરકારની નેમ તેમણે વ્યક્ત કરી હતી. સફેદ રણ સુધી પ્રવાસીઓ સરળતાથી પહોંચી શકે તે માટે ઉત્તમ રસ્તા, બસ કનેક્ટિવિટી, ભુજ સુધી રેલ અને એર કનેક્ટિવિટી વડાપ્રધાનના વિઝનથી મળી છે તેનાથી પ્રવાસીઓની સંખ્યામાં ઉત્તરોત્તર વધારો થયો છે.

ગત રણોત્સવમાં 10 લાખથી વધુ પ્રવાસીઓએ સફેદ રણનો આનંદ માણ્યો છે.ધોરડો ખાતે મુખ્યમંત્રીએ સફેદ રણની મુલાકાત લઈને રણના સૌંદર્ય સાથેના સૂર્યાસ્તના નજારાને માણ્યો હતો. તેમણે ધોરડો ખાતે સરદાર વલ્લભભાઈ પટેલના અખંડ ભારત, એક ભારતના વિઝનને જનજન સુધી પહોંચાડવાની ભાવનાને ચરિતાર્થ કરતા સરદાર સ્મૃતિવનનું લોકાર્પણ કર્યું હતું.

આ પ્રસંગે સાંસ્કૃતિક કાર્યક્રમની રંગારંગની પ્રસ્તુતિ જિલ્લા પંચાયત પ્રમુખ જનકસિંહ જાડેજા, ધારાસભ્ય કેશુભાઈ પટેલ, પ્રદ્યુમ્નસિંહ જાડેજા, અનિદ્ધભાઈ દવે, પ્રવાસન વિભાગના સચિવ રાજેન્દ્રકુમાર, કચ્છ કલેક્ટર આનંદ પટેલ, જિલ્લા વિકાસ અધિકારી ઉત્સવ ગૌતમ, જીએલપીસીના એમડી સુધીર પટેલ, ગુજરાત પ્રવાસન નિગમના મે. ડિરેક્ટર પ્રભવ જોષી, દેવજીભાઈ વરચંદ, ધોરડો ગ્રામ પંચાયત સરપંચ મિયાં હુશેન સહિતના પદાધિકારિઓ અને અધિકારીઓ ઉપસ્થિત રહ્યા હતાં.

મોરબી તા 5 મોરબી જલારામ ધામ ખાતે દોશી હાકેમચંદ કેશવલાલ (હ.લલીત ભાઈ) પરિવાર ના સહયોગથી યોજાયેલ વિનામુલ્યે નેત્રમણી-નેત્રયજ્ઞ કેમ્પ માં 305 દર્દીઓએ લાભ લીધો હતો અને અત્યાર સુધી ના 51 કેમ્પ માં કુલ 14403 લોકોનુ વિનામુલ્યે સચોટ નિદાન થયું છે.

સમગ્ર ગુજરાત ની નંબર 1 આંખ ની હોસ્પીટલ શ્રી રણછોડદાસજી બાપુ ચેરીટેબલ હોસ્પીટલ-રાજકોટ, શ્રી જલારામ ધામ-મોરબી તથા આંતરરાષ્ટ્રીય હિન્દુ પરિષદ-મોરબી દ્વારા સર્વજ્ઞાતિય વિનામુલ્યે નેત્રમણી-નેત્રયજ્ઞ કેમ્પ દર મહીના ની 4 તારીખે શહેર ના શ્રી જલારામ ધામ, અયોધ્યાપુરી રોડ, મોરબી ખાતે કેમ્પ યોજાયો હતો.

જે અંતર્ગત ગુરુવાર ના રોજ સવારે 9 થી 12 કલાક દરમિયાન વિનામુલ્યે કેમ્પ યોજાયો હતો.જેમા 305 દર્દીઓએ કેમ્પ નો લાભ લીધો હતો તે ઉપરાંત 143 લોકો ના નિ:શુલ્ક નેત્રમણી ઓપરેશન કરવા માટે રાજકોટ રવાના કરવામાં આવ્યા હતા.

શ્રી રણછોડદાસજી બાપુ ચેરીટેબલ હોસ્પીટલ ના ડો.બળવંતભાઈ,ડો. અલ્કેશભાઈ ખેરડીયા, ડો.કાનજીભાઈ, ડો.સુદામા, હેમુભાઈ પરમાર, આદમભાઈ,નિલેશભાઈ રાઠોડ દ્વારા આંખ ના દર્દી ઓ ની તપાસ કરવા મા આવી હતી.

આ કેમ્પ દોશી હાકેમચંદ કેશવલાલ (હ.લલીતભાઈ) પરિવાર ના સહયોગથી યોજાયો હતો. આ કેમ્પને સફળ બનાવવા ગીરીશભાઈ ઘેલાણી સહિત તેઓની ટીમે જહેમત ઉઠાવી હતી.

આગામી મહિનાઓમાં મોબાઈલ પર કોલ આવતા પહેલા કોલ કરનાર વ્યક્તિનું નામ સ્ક્રીન પર જોવા મળશે. હરિયાણામાં કોલિંગ નેમ પ્રેઝન્ટેશનનું સફળ ટ્રાયલ કરવામાં આવ્યું છે અને હવે તેને આખા દેશમાં લાગુ કરવાની તૈયારી છે. આ સુવિધા શરૂ થવાથી સ્પેમ કોલ, ફેક બેન્ક કોલ અને કેવાયસી અપડેટના નામ પર થનાર છેતરપિંડી પર રોક લગાવી શકાશે.

સૂત્રો અનુસાર, આ સુવિધા તબક્કાવાર પહેલા દિલ્હી, મુંબઈ, બેંગલુરુ, હૈદરાબાદ, ચેન્નઈ અને કોલકાતા સહિત મહાનગરો સાથે જોડાયેલા સિલેક્ટિવ સર્કલમાં શરૂ કરવામાં આવશે. ત્યાર બાદ તેને દેશના અન્ય સર્કલમાં લાગુ કરવામાં આવશે. અનુમાન છે કે, આગામી 3-4 મહિનામાં આ સેવા આખા દેશમાં ઉપલબ્ધ થઈ જશે.

CNAP ટેક્નોલોજી અંતર્ગત, મોબાઈલ ફોન પર કોલ કરનારનું નામ અને સિમ રજિસ્ટર્ડ માહિતી સ્ક્રીન પર દેખાશે. કોલ લાગતી વખતે ટેલિકોમ ઓપરેટર પોતાના ગ્રાહક ડેટાબેઝથી આ જાણકારી લઈને જે વ્યક્તિને કોલ રિસિવ થયો છે તેની મોબાઈલ સ્ક્રીન પર જોવા મળશે. આ સમગ્ર પ્રક્રિયા ટ્રુકોલરની જેમ કામ કરશે, પરંતુ ડેટાની ખરાઈ સરકારી રીતે નક્કી થશે.

અત્યાર સુધી અજાણ્યા નંબર માત્ર નંબર તરીકે જોવા મળતા હતા, જેનો કોલ આવે તેની ઓળખ કરવી મુશ્કેલ હતી. CNAP લાગુ થયા પછી કોલ કયા નામથી રજિસ્ટર્ડ છે, તે સ્પષ્ટ રીતે જોઈ શકાશે અને તેનાથી છેતરપિંડીના કેસ ઓછા થશે.

ટેલિકોમ રેગ્યુલેટરી ઓથોરિટી ઓફ ઇન્ડિયાએ ગત વર્ષે સરકારને CNAP લાગુ કરવાને લઈને ભલામણ કરી હતી. ત્યાર બાદ ટેલિકોમ ડિપાર્ટમેન્ટ વિભાગે બીએસએનએલ સાથે મળીને હરિયાણામાં પરીક્ષણ કર્યું હતું, જે સફળ રહ્યું અને ઉપયોગકર્તાઓએ પણ તેને ઉપયોગી ગણાવ્યું.

હાલમાં એક ખાનગી એપ કોલરનું નામ બતાવવાની સુવિધા આપે છે, પરંતુ તેની સચોટતા ઓછી હોય છે અને ઘણીવાર જાહેરાતો પણ બતાવવામાં આવે છે.

કેટલીક સેવાઓ માટે ચાર્જ પણ લેવામાં આવે છે. સરકારની આ સુવિધા સંપૂર્ણ રીતે ફ્રી અને કોઈપણ જાહેરાત દર્શાવ્યા વગર ઉપલબ્ધ કરાવવામાં આવશે.

રશિયાના રાષ્ટ્રપતિ વ્લાદિમીર પુતિનની ભારત યાત્રાને લઈને દુનિયાભરમાં ચર્ચા થઈ રહી છે. તેઓ અહીં રક્ષાની સાથે સાથે વ્યાપારિક ડિલની પણ ગિફ્ટ લઈને આવ્યા છે. તેમણે સંયુક્ત કોન્ફ્રેન્સમાં જણાવ્યું કે, તેઓ ભારતને રશિયન ઓયલની ખરીદીને લઈને કોઈ પણ અડચણ વિના શિપમેન્ટ ચાલું રાખશે.

રશિયાના રાષ્ટ્રપતિ વ્લાદિમીર પુતિને રશિયન તેલ ખરીદને લઈને ભારત માટે મોટી જાહેરાત કરી છે. પુતિને કહ્યું કે, ભારત માટે કોઈ પણ અડચણ વિના તેલનું શિપમેન્ટ ચાલુ રહેશે. રાષ્ટ્રપતિ પુતિને કહ્યું કે, અમે વધતી ભારતીય અર્થવ્યવસ્થા માટે ઈંધણની કોઈ પણ અડચણ વિના શિપમેન્ટ ચાલુ રાખવા તૈયાર છીએ. આ ઘોષણા ત્યારે થઈ, જ્યારે બંને દેશોએ ફર્ટિલાઇઝર અને ફૂડ સેફ્ટીથી લઈને શિપિંગ અને મેરીટાઇમ લોજિસ્ટિક્સ સુધી અલગ અલગ વિસ્તારમાં ડીલ કરી છે.

પ્રધાનમંત્રી મોદીએ બંને દેશો વચ્ચે આર્થિક સહયોગ પર ભાર આપતા કહ્યું કે, ભારત અને રશિયા 2030 સુધી વેપાર વધારવા માટે એક આર્થિક સહયોગ કાર્યક્રમ પર સહમત થયા છે. આ અગાઉ ક્રેમલિનના પ્રવક્તા દિમિત્રી પેસકોવે આ અઠવાડિયાની શરૂઆતમાં કહ્યું હતું કે રશિયાને આશા છે કે તે ભારતને પોતાનું ઓઇલ નિકાસ ફરીથી વધારશે. તેમણે એવું પણ કહ્યું કે પશ્ચિમી દેશોના પ્રતિબંધોના કારણે આવેલા હાલના ઘટાડાને તેઓ હંગામી માને છે.

યુક્રેન યુદ્ધ બાદ ભારત રશિયાના ઓઇલનો સૌથી મોટો ખરીદદાર બની ગયો હતો. જો કે હાલમાં અમેરિકાએ રશિયાના મોટા ઓઇલ પ્રોડ્યુસર રોસનેફ્ટ અને લુકોઇલ પર પ્રતિબંધ લગાવી દીધો. તેના કારણે ભારતે ક્રૂડ ઓઇલની આયાતમાં કાપ કર્યો છે.

ત્યાર બાદ યુરોપે પણ રશિયન ક્રૂડ ઓઇલથી બનેલા પેટ્રોલિયમ પ્રોડક્ટની ખરીદી પર પ્રતિબંધ લગાવવાની જાહેરાત કરી છે. ભારત-રશિયા વચ્ચે 2023-24માં દ્વિપક્ષીય વેપાર 65.70 બિલિયન ડોલર હતો, જેમાં 4.26 બિલિયન ડોલરની ભારતીય નિકાસ અને 61.44 બિલિયન ડોલરની આયાત સામેલ હતી. બંને દેશોનો ઉદ્દેશ્ય 2030 સુધી દ્વિપક્ષીય વેપારને 100 બિલિયન ડોલર સુધી લઈ જવાનો છે.

રશિયન રાષ્ટ્રપતિએ કહ્યું કે, અમે એકબીજાના દેશોમાં ફિલ્મ ફેસ્ટિવલનું આયોજન કરી રહ્યા છીએ. તેમણે એક રશિયન ટીવી ચેનલને ભારતમાં બ્રોડકાસ્ટ શરૂ કરવાનો ઉલ્લેખ કર્યો છે. તેનાથી ભારતને રશિયા વિશે વધારે જાણવાની મદદ મળશે.

અમે અમુક ગ્લોબલ મુદ્દા પર પણ વાત કરી છે અને અમે બહુધ્રુવીય વર્લ્ડ બોર્ડર પર ભાર આપી રહ્યા છીએ. તેમણે એવું પણ કહ્યું કે બ્રિક્સના ફાઉન્ડિંગ મેમ્બર તરીકે પણ, ભારત અને રશિયાએ બહુ કામ કર્યું છે. આગામી વર્ષે ભારત બ્રિક્સની અધ્યક્ષતા કરશે અને અમે ભારતને દરેક રીતે સપોર્ટ કરવા માટે તૈયાર છીએ.

તમારી હોમ લોનનો EMI દર મહિને ₹25,000 છે અને લોનની મુદત 20 વર્ષ છે. રેપો રેટમાં 0.25% ઘટાડો થવાથી સરેરાશ પ્રતિ લાખ EMIમાં ₹18 ઘટશે.

રિઝર્વ બેંક ઓફ ઈન્ડિયા (RBI) એ રેપો રેટમાં 0.25% ઘટાડો કર્યો છે, જે તેને ઘટાડીને 5.25% કર્યો છે. આ નિર્ણય 3 થી 5 ડિસેમ્બર દરમિયાન યોજાયેલી નાણાકીય નીતિ સમિતિ (MPC) ની બેઠકમાં લેવામાં આવ્યો હતો અને RBI ગવર્નર સંજય મલ્હોત્રાએ 5 ડિસેમ્બરે તેની જાહેરાત કરી હતી. આ પગલાથી ગ્રાહકોને સીધો ફાયદો થશે, કારણ કે આગામી દિવસોમાં હોમ લોન, ઓટો લોન અને અન્ય રિટેલ લોન સસ્તી થશે. રેપો રેટ એ વ્યાજ દર છે જેના પર RBI બેંકોને લોન આપે છે.

રેપો રેટમાં ઘટાડો થવાનો અર્થ એ છે કે બેંકો સસ્તી લોન મેળવે છે અને આ લાભ ગ્રાહકોને આપે છે. પરિણામે, બજારમાં ઉપલબ્ધ તમામ લોન પ્રોડક્ટ્સ 0.25% સુધી સસ્તા થશે. RBI ના આ તાજેતરના નિર્ણયથી નવા અને હાલના બંને ગ્રાહકોને રાહત મળશે.

અંદાજ મુજબ, ₹20 લાખની 20 વર્ષની લોન પર EMI લગભગ ₹310 ઘટશે. ₹30 લાખની 20 વર્ષની લોન પર EMI લગભગ ₹465 ઘટશે. જો તમારો EMI હાલમાં ₹25,000 છે, તો હવે તે કેટલો ઘટશે એ પણ આગળ સમજી લઈએ.

ધારો કે તમારી હોમ લોન EMI દર મહિને ₹25,000 છે અને લોનની મુદત 20 વર્ષ છે. 0.25% રેપો રેટમાં ઘટાડાથી સરેરાશ EMI પ્રતિ લાખ ₹18 ઘટશે. આ ગણતરી સૂચવે છે કે આવી લોન (આશરે ₹27-28 લાખ) પર, EMI દર મહિને લગભગ ₹500 ઘટશે.

નવા વ્યાજ દર મુજબ માસિક અને વાર્ષિક તમારી કેટલી બચત થશે એ જો સમજીએ તો, જો હાલ તમારો જૂનો EMI ₹25,000 હોય તો નવો EMI 24,500 થશે, જેથી માસિક બચત સ્વરુપે તમારા ₹500 બચશે અને વાર્ષિક બચત સ્વરુપે તમારા ₹6,000 બચશે.

(ડિસ્ક્લેમરઃ અહીં આપવામાં આવેલ આર્થિક સલાહ અને જાણકારી ફક્ત પ્રાથમિક અને સામાન્ય જાણકારીના હેતુસર છે. કોઈપણ નિર્ણય લેતા પહેલા આર્થિક બાબતોના જાણકાર અને તમારા નિષ્ણાતની સલાહ લેવી જરુરી છે.)

મોરબી, રાષ્ટ્ર કે હિત મેં શિક્ષા, શિક્ષા કે હિત મેં શિક્ષક, શિક્ષક કે હિત મેં સમાજના ધ્યેય સુત્ર સાથે કાર્યરત અખિલ ભારતીય રાષ્ટ્રીય શૈક્ષિક મહાસંઘના કાર્યકર્તાઓ હંમેશા રાષ્ટ્ર પ્રથમની ભાવનાથી કાર્ય કરીને હમારા વિદ્યાલય હમારા સ્વાભિમાન, હમારા વિદ્યાલય, હમારા તીર્થની પરિકલ્પનાને સાર્થક કરી રહ્યા છે.

સાથે સાથે શિક્ષકોના વહીવટી પ્રશ્નો જેવા કે નવી પેંશનમાંથી જૂની પેન્શન (ઓપીએસ)માં સમાવેશ થયેલા શિક્ષકોના જીપીએફ ઓપન કરવાનું કામ હોય, શિક્ષકોના ૠ-કાર્ડ કઢાવવાની કામગીરી,લાયકાત ધરાવતા શિક્ષકો ટીપીઈઓ,મામલતદાર જેવી કલાસ-2 ની પરીક્ષા માટે લાયક ગણવા તેમજ બીએલઓને પડતી મુશ્કેલીઓ નિવારવા માટે તંત્ર સમક્ષ પરિણામલક્ષી રજુઆત કરી

બીએલઓને ઓન ડ્યુટી અપાવવી, સહાયકની વ્યવસ્થા કરાવવી, મોટા ભાગના અન્ય વિભાગના કર્મચારીઓને ડેટા એન્ટ્રી ઓપરેટરની કામગીરી અપાવવી, સમય મર્યાદા વધારી અપાવવા વગેરે રજૂઆતોની સાથે વિદ્યાર્થીઓને પડતી મુશ્કેલીઓ જેમ કે શિષ્યવૃત્તિની દરખાસ્ત કરવામાં આધારકાર્ડની ફરજીયાત જરૂર હોય,ઘણાં વિદ્યાર્થીઓ પાસે આધારકાર્ડ ન હોવાને કારણે અથવા અપડેટ ન થયું હોવાના કારણે શિષ્યવૃત્તિથી વંચિત ન રહી જાય એ માટે તેમજ પીએમશ્રી શાળાઓમાં નાણાંકીય વહીવટ માટે IFMS માં પડતી મુશ્કેલીઓ તેમજ ફિક્સ પગારદાર કર્મચારીઓ માટેની રજુઆતો વગેરે રજૂઆતો કરવામાં હંમેશા અગ્રેસર રહેનાર શૈક્ષિક મહાસંઘના કાર્યકર્તાઓએ નવ નિયુક્ત કેબિનેટ શિક્ષણ મંત્રી ડો.પ્રદ્યુમન વાજા સાથે શુભેચ્છા મુલાકાત કરી હતી.

વ્લાદિમીર પુતિન 23મા ભારત-રશિયા સમિટમાં હાજરી આપવા માટે ભારત પહોંચ્યા છે, જે ભારત અને રશિયા વચ્ચે વાર્ષિક બેઠક છે, જે સામાન્ય રીતે ડિસેમ્બરમાં યોજાય છે અને ભારત અને રશિયા દ્વારા વારાફરતી આયોજિત કરવામાં આવે છે.

રશિયાના રાષ્ટ્રપતિ વ્લાદિમીર પુતિન ભારત આવી પહોંચ્યા છે. તેમનું વિમાન પાલમ એરપોર્ટ પર ઉતર્યું. કાળા સૂટ અને બૂટ પહેરેલા પુતિને વિમાનમાંથી બહાર નીકળતા જ વડા પ્રધાન નરેન્દ્ર મોદીને જોઈને આશ્ચર્યચકિત કરી દીધા.

રશિયન રાષ્ટ્રપતિ વિમાનમાંથી ઉતરતાની સાથે જ પીએમ મોદીએ તેમની સાથે ઉષ્માભર્યા હાથ મિલાવ્યા અને પછી તેમને ભેટી પડ્યા. પ્રોટોકોલ તોડીને પીએમ મોદી તેમનું સ્વાગત કરવા એરપોર્ટ પહોંચ્યા. પીએમ મોદીના આ પગલાથી રશિયા ચોંકી ગયું.

રશિયાના રાષ્ટ્રપતિ મહેલ ક્રેમલિનએ એક નિવેદન બહાર પાડીને કહ્યું કે તેમને ખ્યાલ નહોતો કે પીએમ મોદી રાષ્ટ્રપતિ પુતિનનું સ્વાગત કરવા માટે એરપોર્ટ પર હાજર રહેશે.

આ પછી, પીએમ મોદી અને પુતિન એક જ કારમાં પીએમ નિવાસસ્થાન જવા રવાના થયા. બંને નેતાઓ એક જ ટોયોટા એસયુવીમાં સાથે મુસાફરી કરતા જોવા મળ્યા.

પુતિનના વિમાનનું નામ ઇલ્યુશિન-૯૬ (IL96) છે. તેમના વિમાન પર રશિયન શિલાલેખ ” россия” છે, જેનો અર્થ “રશિયા” થાય છે. તે સિરિલિક લિપિમાં લખાયેલું છે.

પુતિન 23મા ભારત-રશિયા સમિટમાં ભાગ લેવા માટે ભારતમાં છે, જે બંને દેશો વચ્ચે વાર્ષિક બેઠક છે. તેઓ વડા પ્રધાન નરેન્દ્ર મોદીના આમંત્રણ પર ભારતની મુલાકાતે છે . આ મુલાકાત દરમિયાન, બંને નેતાઓ તેલથી લઈને S-400 મિસાઇલ સિસ્ટમની ખરીદી અને મુક્ત વેપાર કરાર (FTA) જેવા મુદ્દાઓ પર ચર્ચા કરે તેવી અપેક્ષા છે.

રશિયા-યુક્રેન સંઘર્ષ પછી રાષ્ટ્રપતિ પુતિનની આ પહેલી ભારત મુલાકાત હશે . તેમણે અગાઉ 2021માં ભારતની મુલાકાત લીધી હતી. જોકે, 2024માં વડા પ્રધાન મોદી તેમની સાથે મોસ્કોમાં મળ્યા હતા. રશિયાના રાષ્ટ્રપતિ વ્લાદિમીર પુતિનની છેલ્લી ભારત મુલાકાત 6 ડિસેમ્બર, 2021ના રોજ હતી.

એ નોંધવું જોઈએ કે ભારત રશિયા પાસેથી S-400 વાયુ સંરક્ષણ પ્રણાલીના વધારાના એકમો ખરીદી શકે છે. તાજેતરના “ઓપરેશન સિંદૂર” દરમિયાન S-400 ના પ્રભાવશાળી પ્રદર્શન પછી આ પગલું આવી શકે છે. એવો અંદાજ છે કે ભારત રશિયા પાસેથી પાંચ વધુ S-400 એકમો ખરીદી શકે છે. આવી પાંચ સિસ્ટમો માટેનો સોદો પહેલાથી જ થઈ ગયો છે, જેમાંથી ભારતને ત્રણ મળી ચૂકી છે. રશિયા-યુક્રેન યુદ્ધને કારણે ચોથા સ્ક્વોડ્રનની ડિલિવરી અટકી ગઈ છે. વધુમાં, પહેલાથી જ સામેલ સિસ્ટમો માટે મોટી સંખ્યામાં મિસાઇલોની ખરીદી પણ વાટાઘાટોનો ભાગ હશે.

સુપ્રીમ કોર્ટે આ નિર્દેશો એક રાજકીય પક્ષ, તમિલગા વેત્રી કઝગમ (TVK) દ્વારા દાખલ કરાયેલી અરજીની સુનાવણી દરમિયાન આપ્યા હતા, જેમાં આરોપ મૂકવામાં આવ્યો હતો કે ભારતના ચૂંટણી પંચ માટે કામ કરતા ઘણા BLO પર ભારે કામનું દબાણ છે.

સુપ્રીમ કોર્ટે ગુરુવારે વિવિધ રાજ્યોમાં SIR માં રોકાયેલા BLOs ને પડતી સમસ્યાઓના નિરાકરણ માટે અનેક નિર્દેશો જારી કર્યા. CJI સૂર્યકાંત અને ન્યાયાધીશ જોયમલ્યા બાગચીની બનેલી બેન્ચે સંબંધિત રાજ્યોને SIR ફરજ માટે વધારાનો સ્ટાફ નિયુક્ત કરવાનો આદેશ આપ્યો જેથી SIR માં રોકાયેલા વ્યક્તિઓના કામના કલાકો ઘટાડી શકાય.

બાર એન્ડ બેન્ચના અહેવાલ મુજબ, બેન્ચે એ પણ સ્પષ્ટ કર્યું કે આ ઉપરાંત, જો તેઓ ચોક્કસ કારણો દર્શાવીને કામમાંથી મુક્તિ ઇચ્છતા હોય, તો તેનો કેસ-ટુ-કેસ આધારે વિચાર કરવો જોઈએ.

આ સંદર્ભમાં સર્વોચ્ચ અદાલતે નીચેના નિર્દેશો જારી કર્યા છે

રાજ્યએ વધારાના સ્ટાફ તૈનાત કરવા જોઈએ જેથી કામના કલાકો ઘટાડી શકાય.જ્યાં કોઈ વ્યક્તિ પાસે મુક્તિ મેળવવા માટે ચોક્કસ કારણ હોય, તો રાજ્ય સરકાર આવી વિનંતી પર વિચાર કરશે અને તેના સ્થાને નિમણૂક કરશે. જો કાર્યબળ વધારવાની જરૂર હોય, તો રાજ્ય કાર્યબળ પૂરું પાડવા માટે બંધાયેલું છે.

જો બીજી કોઈ રાહત ન મળે, તો પીડિત વ્યક્તિ કોર્ટનો સંપર્ક કરી શકે છે.

સુપ્રીમ કોર્ટે આ નિર્દેશો એક રાજકીય પક્ષ, તમિલગા વેત્રી કઝગમ (TVK) દ્વારા દાખલ કરાયેલી અરજીની સુનાવણી દરમિયાન આપ્યા હતા, જેમાં આરોપ મૂકવામાં આવ્યો હતો કે ભારતના ચૂંટણી પંચ માટે કામ કરતા ઘણા BLO પર ભારે કામનું દબાણ છે.

કેટલાક કિસ્સાઓમાં, કામના તણાવને કારણે BLOs એ આત્મહત્યા પણ કરી છે. આ પરિસ્થિતિને ધ્યાનમાં રાખીને, સુપ્રીમ કોર્ટે આ સૂચનાઓ જારી કરી છે.

ટીવીકેનું પ્રતિનિધિત્વ કરતા વરિષ્ઠ વકીલ ગોપાલ શંકરનારાયણે જણાવ્યું હતું કે, “અમારી પાસે 35 થી 40 બીએલઓ વિશે માહિતી છે જેમણે આત્મહત્યા કરી છે. આ બધા આંગણવાડી કાર્યકરો અને શિક્ષકો છે. તેમને આરસીપીએની કલમ 32 હેઠળ નોટિસ ફટકારવામાં આવી રહી છે, જેમાં જણાવાયું છે કે જો તેઓ સમયમર્યાદા પૂરી નહીં કરે તો તેમને બે વર્ષની જેલની સજા થશે. ઉત્તર પ્રદેશમાં બીએલઓ વિરુદ્ધ પચાસ એફઆઈઆર દાખલ કરવામાં આવી છે. તેમને (ભારતના ચૂંટણી પંચને) આ વાતનો ગર્વ છે. એક છોકરો પોતાના લગ્નમાં હાજરી આપવા માંગતો હતો. તેને ના પાડવામાં આવી અને તેણે આત્મહત્યા કરી લીધી. આ એક માનવીય વાર્તા છે.”

ભારતના ચૂંટણી પંચનું પ્રતિનિધિત્વ કરતા વરિષ્ઠ વકીલ મનીન્દર સિંહે અરજીનો વિરોધ કર્યો. તેમણે કહ્યું કે તે સંપૂર્ણપણે ગેરવાજબી છે. આ અરજીઓ પર વિચારણા ન કરવી જોઈએ. ત્યારબાદ કોર્ટે અરજી અંગે નીચેની બાબતો નોંધી.

કોર્ટે તેના આદેશમાં નોંધ્યું હતું કે, “ટીવીકે ભારતના ચૂંટણી પંચ પાસેથી એવા બીએલઓ માટે ઉપાય માંગે છે જેઓ આત્યંતિક પગલાંનો સામનો કરી રહ્યા છે. અરજદાર એવા કર્મચારીઓનો પક્ષ લઈ રહ્યા છે જેઓ સ્વાસ્થ્યના કારણોસર, કૌટુંબિક સંજોગો અને અન્ય વ્યક્તિગત સંજોગોને કારણે ભારતના ચૂંટણી પંચ દ્વારા તેમને સોંપવામાં આવેલી ફરજો બજાવી શકતા નથી.

એ પણ પ્રકાશિત કરવામાં આવ્યું છે કે જ્યાં કર્મચારીઓ તેમની ફરજો બજાવવા તૈયાર નથી, ત્યાં ચૂંટણી પંચ તેમની સામે ફોજદારી કાર્યવાહી કરી રહ્યું છે. તેમાં કોઈ વિવાદ હોઈ શકે નહીં કે એસઈસી દ્વારા નિયુક્ત કરાયેલા કર્મચારીઓ એસઆઈઆર સહિત કાનૂની ફરજો બજાવવા માટે ચૂંટણી પંચના નિકાલ પર છે. જો તેઓ સમસ્યાઓનો સામનો કરી રહ્યા હોય, તો રાજ્ય સરકાર આવી મુશ્કેલીનો ઉકેલ લાવી શકે છે.”

ફોરેસ્ટ અધિકારીઓની ટીમ સીમ વિસ્તારમાં દોડી: પક્ષીઓના પોસ્ટમોર્ટમ કરાવાશે

મોરબીના ચાંચાપર ગામના સીમ વિસ્તારની અંદર લગભગ 20થી વધુ કુંજ પક્ષીઓના મોત નિપજ્યા હતા જે બનાવની ગામના લોકોને જાણ થતાની સાથે જ આ બનાવની ફોરેસ્ટ વિભાગના અધિકારીઓને જાણ કરવામાં આવી હતી જેથી કરીને ફોરેસ્ટ વિભાગના અધિકારીઓ તાત્કાલિક ઘટના સ્થળે દોડી આવ્યા હતા અને ત્યારબાદ જે પક્ષીઓના મોત થયા છે તેના મોતનું ચોક્કસ કારણ જાણવા માટેની આગળની કાર્યવાહી હાથ ધરી છે.

 મોરબી જિલ્લામાં દર વખતે શિયાળા દરમિયાન બહારના પક્ષીઓ જુદા જુદા વિસ્તારમાં આવતા હોય છે. દરમિયાન જો વાત કરીએ મોરબી તાલુકાના ચાચાપર ગામની તો ચાચાપર ગામના સીમ વિસ્તારની અંદર 20થી વધુ કુંજ પક્ષીઓના મૃતદેહ મળી આવ્યા હતા.

જે અંગેની ગામના લોકો દ્વારા ગામના સરપંચના પતિ રમેશભાઈ ભીમાણીને જાણ કરવામાં આવતા રમેશભાઈ ભીમાણી તથા ગામના આગેવાનો સહિતના લોકો ત્યાં સ્થળ ઉપર દોડી આવ્યા હતા અને ત્યારબાદ આ બનાવની ફોરેસ્ટ વિભાગને જાણ કરવામાં આવતા ફોરેસ્ટ વિભાગના અધિકારી ત્યાં દોડી આવ્યા હતા. મૃતક પક્ષીઓના મૃતદેહને પીએમ માટે લઈ ગયા હતા અને તેના મોતનું ચોક્કસ કારણ જાણવા માટેની આગળની કાર્યવાહી હાથ ધરી છે.