હવે ટોલ પ્લાઝા પાર કર્યા બાદ વાહનના વીમા સાથે જોડાયેલો ખાસ એલર્ટ એસએમએસ મળશે

વાહનનો વીમો નહીં હોય તો દંડ ભરવા તૈયાર રહેજો, દિલ્હીનાં મુંડકા ટોલ પ્લાઝા પર પરીક્ષણ શરૂ : સફળતા મળતા જ આગામી સમયમાં દેશભરમાં લાગુ કરાશે

હાઈવે પર મુસાફરી કરતી વખતે ટોલ પ્લાઝા પરથી પસાર થતા વાહનચાલકો માટે નેશનલ હાઈવે ઓથોરિટી ઓફ ઈન્ડિયા (NHAI) દ્વારા એક અત્યંત મહત્ત્વપૂર્ણ અને હાઈટેક સિસ્ટમ શરૂ કરવામાં આવી છે.

હવે ટોલ પ્લાઝા પાર કરતાં જ તમારા મોબાઈલ પર એક ખાસ SMS આવી શકે છે, જે તમારા વાહનના વીમા સાથે જોડાયેલો હશે.

જો તમારા વાહનનો થર્ડ પાર્ટી ઈન્શ્યોરન્સ પૂરો થઈ ગયો હશે અથવા તમે વીમો નહીં કરાવ્યો હોય, તો આ સિસ્ટમ તરત જ તમને એલર્ટ મોકલશે.

હાલમાં NHAI દ્વારા દિલ્હીમાં અર્બન એક્સટેન્શન રોડ-II (UER-II) પર આવેલા મુંડકા ટોલ પ્લાઝા ખાતે આ નવી સિસ્ટમનો પાયલોટ પ્રોજેક્ટ શરૂ કરવામાં આવ્યો છે.

આ પરીક્ષણ સફળ રહ્યા બાદ આગામી સમયમાં તેને દેશભરના તમામ નેશનલ હાઈવે પર લાગુ કરવાની તૈયારી છે.આ સમગ્ર પ્રક્રિયામાં ટોલ પ્લાઝાની સિસ્ટમ અને સરકારના ‘વાહન’ પોર્ટલ વચ્ચે સીધો ડેટા શેર કરવામાં આવશે.

જેવું કોઈ વાહન ટોલ પ્લાઝા પરથી પસાર થશે, તેની વિગતો તરત જ નેશનલ ઈન્ફોર્મેટિક્સ સેન્ટર (NIC)ના ‘વાહન’ ડેટાબેઝને મોકલવામાં આવશે.સિસ્ટમ ઓટોમેટિક તપાસ કરશે કે તે વાહનનો વીમો માન્ય છે કે નહીં.

જો તપાસમાં જણાય કે વાહનનો થર્ડ પાર્ટી ઈન્શ્યોરન્સ એક્સપાયર થઈ ગયો છે, તો વાહનમાલિકના રજિસ્ટર્ડ મોબાઈલ નંબર પર તાત્કાલિક એક SMS એલર્ટ મોકલવામાં આવશે.આ મેસેજમાં વાહનનો રજિસ્ટ્રેશન નંબર, ટોલ પ્લાઝા પાર કરવાનો સમય અને વીમો પૂરો થવાની વિગતોની સાથે તાત્કાલિક ઈન્શ્યોરન્સ રિન્યુ કરાવવાની સલાહ આપવામાં આવશે.

માન્ય વીમા વગર વાહન ચલાવતા પ્રથમ વખત પકડાવા પર બેઝ ઈન્શ્યોરન્સ પ્રીમિયમના ત્રણ ગણા અથવા 5,000 (બેમાંથી જે વધુ હોય તે) દંડ થઈ શકે છે.

બીજી વખત નિયમ તોડવા પરઃ ફરીથી આ જ ભૂલ દોહરાવવા પર બેઝ પ્રીમિયમના પાંચ ગણા અથવા 10,000 સુધીનો ભારે દંડ ફટકારવામાં આવી શકે છે.હાલમાં આ વ્યવસ્થા ટ્રાયલ તબક્કામાં છે અને તેની ટેકનિકલ ખામીઓ સુધારીને તેને વધુ સચોટ બનાવવામાં આવી રહી છે.

આ સિસ્ટમ સમગ્ર દેશમાં લાગુ થવાથી વાહનમાલિકોને વીમાની તારીખ યાદ રાખવામાં સરળતા રહેશે અને રસ્તા પર વીમા વગર દોડતા જોખમી વાહનો પર લગામ કસી શકાશે.

{{DK_P12}}

{{DK_P13}}

{{DK_P14}}

{{DK_P15}}

{{DK_P16}}

{{DK_P17}}

{{DK_P18}}

{{DK_P19}}

{{DK_P20}}

{{DK_P21}}

{{DK_P22}}

{{DK_P23}}

{{DK_P24}}

{{DK_P25}}

{{DK_REST}}