૨૯ ઓક્ટોબર, ૨૦૨૬: મોરબી જિલ્લા ભાજપ મીડિયા વિભાગ દ્વારા આગામી ૩૦ ઓક્ટોબરના રોજ કિસાન દિવસ અને ૩૧ ઓક્ટોબરના રોજ એકતા દિનની ઉજવણીના આયોજન સંદર્ભે બેઠકો યોજવામાં આવી હતી. પ્રભારી મંત્રી ત્રિકમભાઈ છાંગાના અધ્યક્ષસ્થાને હળવદ માર્કેટિંગ યાર્ડ અને વાંકાનેરના ગાયત્રી મંદિર ખાતે યોજાયેલી આ બેઠકોમાં જિલ્લા કક્ષાના કાર્યક્રમોના આયોજન અને સફળ અમલીકરણ અંગે ચર્ચા કરવામાં આવી હતી.
હળવદ માર્કેટિંગ યાર્ડ ખાતે યોજાયેલી બેઠકમાં પ્રભારી મંત્રી ત્રિકમભાઈ છાંગાએ ઉપસ્થિત પદાધિકારીઓ અને આગેવાનોને આગામી કાર્યક્રમોની વિસ્તૃત માહિતી આપી હતી. કિસાન દિવસ અને એકતા દિનની ઉજવણીમાં વધુમાં વધુ નાગરિકો જોડાય તે માટે આયોજનબદ્ધ પ્રયાસો કરવા તેમણે અનુરોધ કર્યો હતો.
બેઠક દરમિયાન ખેડૂતો સહિત સમાજના વિવિધ વર્ગોના કલ્યાણ માટે સરકાર દ્વારા અમલી બનાવવામાં આવેલી જનહિતલક્ષી યોજનાઓની માહિતી છેવાડાના નાગરિકો સુધી પહોંચાડવા પર ભાર મૂકવામાં આવ્યો હતો. વધુમાં વધુ લોકો સરકારી યોજનાઓથી માહિતગાર થાય અને તેનો લાભ મેળવી શકે તે માટે સક્રિય પ્રયાસો કરવા સૂચના આપવામાં આવી હતી.
વાંકાનેરના ગાયત્રી મંદિર ખાતે પણ આ જ સંદર્ભે બેઠક યોજાઈ હતી. તેમાં જિલ્લા કક્ષાના કાર્યક્રમોને સફળ બનાવવા, જનભાગીદારી વધારવા અને ઉજવણીની માહિતી વધુમાં વધુ લોકો સુધી પહોંચાડવા અંગે ચર્ચા-વિચારણા કરવામાં આવી હતી.
મોરબી જિલ્લા ભાજપ દ્વારા કિસાન દિવસ અને એકતા દિનની ઉજવણીને સફળ બનાવવા તેમજ સરકારની લોકકલ્યાણકારી યોજનાઓનો લાભ વધુમાં વધુ નાગરિકો સુધી પહોંચાડવા સહિયારા પ્રયાસો હાથ ધરવામાં આવશે.
