RBI: 1 ઓક્ટોબરથી FD નિયમોમાં મોટા ફેરફારો લાગુ કરશે. બેંકોએ બલ્ક ડિપોઝિટ વ્યાજ દર દરરોજ વેબસાઇટ પર પ્રકાશિત કરવા. એક જ બેંકની શાખાઓમાં સમાન FD દરો લાગુ પડશે. આ નિયમો વ્યાજ દરોમાં વધારો-ઘટાડો ફરજિયાત નથી કરતા.RBI જો તમે પણ બેંકમાં ફિક્સ્ડ ડિપોઝિટ (FD) કરાવી છે અથવા ભવિષ્યમાં કરાવવાનું વિચારી રહ્યા છો, તો તમારા માટે આ ખૂબ જ મહત્વના સમાચાર છે. રિઝર્વ બેંક ઓફ ઇન્ડિયા (RBI) દ્વારા આગામી 1 ઓક્ટોબરથી ફિક્સ્ડ ડિપોઝિટના નિયમોમાં કેટલાક મોટા અને મહત્વપૂર્ણ ફેરફારો લાગુ કરવામાં આવનાર છે.
આ માટે તાજેતરમાં એક સત્તાવાર પરિપત્ર પણ જારી કરવામાં આવ્યો છે. નવા નિયમો હેઠળ, બેંકો હવે તેમની લિક્વિડિટી રિસ્ક પ્રોફાઇલ (રોકડની ઉપલબ્ધતા અને જોખમ) ના આધારે ‘બલ્ક ડિપોઝિટ’ (મોટી રકમની થાપણો) પર અલગ-અલગ વ્યાજ દરો ઓફર કરી શકશે. જોકે, રિઝર્વ બેંકે એ વાતનું ખાસ ધ્યાન રાખ્યું છે કે સમાન રકમની ડિપોઝિટ માટે ગ્રાહકો વચ્ચે કોઈપણ પ્રકારનો ભેદભાવ ન થાય. આ નવા ફેરફારો સામાન્ય ગ્રાહકોને કઈ રીતે અસર કરશે? ચાલો, આખી વાતને બોલચાલની સરળ ભાષામાં 5 મહત્વના મુદ્દાઓ દ્વારા સમજીએ:
