ગુજરાતની: ટાઇલ્સ અને બાથવેર ઉત્પાદક કંપની વર્મોરા ગ્રેનિટો લિમિટેડના શેરે મંગળવારે, 29 સપ્ટેમ્બરે શેરબજારમાં પ્રીમિયમ સાથે એન્ટ્રી કરી હતી. કંપનીના શેરનું લિસ્ટિંગ રૂા.148ના IPO ઇશ્યૂ ભાવ સામે NSE પર રૂા.155, એટલે કે 4.73 ટકા પ્રીમિયમ સાથે થયું હતું. જ્યારે BSE પર શેર રૂા.152ના ભાવે ખુલ્યો હતો, જે ઇશ્યૂ ભાવ કરતાં 2.70 ટકા વધુ છે. કંપનીના રૂા.708.02 કરોડના IPO માં રૂા.320 કરોડનો ફ્રેશ ઇશ્યૂ અને આશરે રૂા.388.02 કરોડનો ઓફર ફોર સેલ (OFS) સામેલ હતો. IPO માટે ભાવબેન્ડ રૂા.140થી રૂા.148 નક્કી કરવામાં આવ્યો હતો અને ન્યૂનતમ લોટ 101 શેરનો હતો. આ રીતે ઉપરના ભાવબેન્ડે રિટેલ રોકાણકાર માટે લઘુત્તમ રોકાણ રૂા.14,948 હતું. વરમોરા ગ્રેનિટોના IPOમાં 1.58 ગણો સબસ્ક્રાઇબ થયો :
IPO માં 3.39 કરોડ શેરની ઓફર સામે 5.34 કરોડ શેર માટે બિડ મળી હતી. આમ, IPO 1.58 ગણો સબસ્ક્રાઇબ થયો હતો. વરમોરા ગ્રેનિટોના IPOના ક્વોલિફાઇડ ઇન્સ્ટિટ્યૂશનલ બાયર્સ (QIBs) ભાગને 3.16 ગણો સબસ્ક્રાઇબ થયો હતો. નોન-ઇન્સ્ટિટ્યૂશનલ ઇન્વેસ્ટર્સ (NIIs) શ્રેણીને 92 ટકા સબ્સ્ક્રિપ્શન મળ્યું હતું. રિટેલ ઇન્ડિવિડ્યુઅલ ઇન્વેસ્ટર્સ (RIIs) ભાગ સંપૂર્ણપણે સબસ્ક્રાઇબ થયો હતો.
દેવાની ચુકવણી માટે ઉપયોગમાં લેવાતા ભંડોળ : નવા શેર જારી કરવાથી મળેલી રૂા.320 કરોડની આવકમાંથી, રૂા.245 કરોડનો ઉપયોગ કંપની અને તેની સંપૂર્ણ માલિકીની પેટાકંપનીઓના દેવાની ચુકવણી અથવા પૂર્વ ચુકવણી માટે કરવામાં આવશે. બાકીની રકમનો ઉપયોગ સામાન્ય વ્યવસાયિક હેતુઓ માટે કરવામાં આવશે. ગુજરાતમાં આઠ ઉત્પાદન પ્લાન્ટ ધરાવે છે : કંપનીનો સ્થાનિક વ્યવસાય બિઝનેસ-ટુ-કસ્ટમર (B2C) રિટેલ અને બિઝનેસ-ટુ-બિઝનેસ (B2B) ગ્રાહકોમાં વહેંચાયેલો છે. નાણાકીય વર્ષ 2026 માં, B2C એ સ્થાનિક વેચાણમાં 66.8 ટકા હિસ્સો આપ્યો હતો, અને B2B એ 33.2 ટકા હિસ્સો આપ્યો હતો.
વરમોરા ગ્રેનિટો લિસ્ટેડ ટાઇલ કંપનીઓ કજારિયા સિરામિક્સ, સોમાની સિરામિક્સ, એશિયન ગ્રેનિટો ઇન્ડિયા અને ઓરિએન્ટ બેલ સાથે સ્પર્ધા કરે છે. કંપનીનું માર્કેટ કેપિટલાઇઝેશન રૂા.3,400 કરોડથી વધુ : લિસ્ટિંગ બાદ કંપનીનું માર્કેટ વેલ્યુએશન આશરે રૂા.3,435 કરોડથી વધુ રહ્યું હતું. વર્મોરા ગ્રેનિટો સિરામિક, ગ્લેઝ્ડ વિટ્રિફાઇડ અને પોલિશ્ડ વિટ્રિફાઇડ ટાઇલ્સ સહિત વિવિધ પ્રોડક્ટ્સનું ઉત્પાદન કરે છે. કંપનીનું રજિસ્ટર્ડ કાર્યાલય ગુજરાતમાં વાંકાનેર ખાતે આવેલું છે. શેરનું લિસ્ટિંગ ગ્રે માર્કેટમાં જોવા મળેલા મર્યાદિત પ્રીમિયમની સરખામણીમાં થોડું મજબૂત રહ્યું હતું.
જોકે, ગ્રે માર્કેટ પ્રીમિયમ અનૌપચારિક સંકેત છે અને તે શેરના લિસ્ટિંગ અથવા ભવિષ્યના વળતરની ખાતરી આપતું નથી. દેશના 1000 થી વધુ શહેરોમાં નેટવર્ક છે ગેસની સપ્લાય લઈને કોઈ ચિંતા નથી, કંપની પર ભરોસો મૂકવા બદલ તમામ શેરહોલ્ડરનો આભાર – ભાવેશ વરમોરા ►આસામ અને ગુજરાતમાં પ્લાન્ટ સહિત 50.6 મિલિયન સ્ક્વેર મીટરની કેપેસિટી છે, 90% ટાઇલ્સ અને બાકી બાથવેર પ્રોડક્ટ છે ►ટાઇલ્સમાં IST ઇન્ટિગ્રેટેડ સ્ટોન ટેક્નોલોજી લાવ્યા છીએ જે લેટેસ્ટ લોન્ચ છે મુંબઈ : વરમોરા કંપનીના ચેરમેન – મેનેજીંગ ડાયરેક્ટર ભાવેશભાઈ વરમોરાએ જણાવ્યું હતું કે હાલ પ્રોપેન ગેસ અને ગુજરાત ગેસ તરફથી પૂરતા પ્રમાણમાં સપ્લાય મળી રહ્યો છે અને સાથે ભાવમાં પણ કોઈ પ્રકારે ઉતાર ચઢાવ નથી તેથી ઉત્પાદન પર કોઈ વ્યાપક અસર નથી જોવા મળી રહી અને બધું રાબેતામુજબ જ ચાલી રહ્યું છે. તેઓએ આગળ જણાવ્યું કે તમામ 2 લાખ શેર હોલ્ડરનો આભાર વ્યક્ત કર્યો જેને કંપની પર ભરોસો મૂક્યો અને રોકાણ કર્યું છે.
આ સાથે તેઓએ જણાવ્યું કે કંપનીના આસામ અને ગુજરાતમાં પ્લાન્ટ છે અને તેના કારણે હાલ 50.6 મિલિયન સ્ક્વેર મીટરની કેપેસિટી છે જેમાં 90% ટાઇલ અને 10 % બાથવેર પ્રોડક્ટ છે. કંપનીના 305 થી વધુ એક્સકલુઝિબ બ્રાન્ડ આઉટલેટ છે. દેશના 1000 થી વધુ શહેરોમાં નેટવર્ક છે.
