નાગરિકોને: ઘર આંગણે મળતી ટપાલ અને જાહેર સેવાઓની ગુણવત્તા વધુ સઘન બને તથા પ્રક્રિયા વધુ પારદર્શક બને તે હેતુથી જિલ્લા કલેક્ટર સ્વપ્નિલ ખરે દ્વારા મોરબી મુખ્ય પોસ્ટ ઓફિસ તથા ટંકારા પોસ્ટ ઓફિસની પ્રત્યક્ષ મુલાકાત લેવામાં આવી હતી.મુખ્ય પોસ્ટ ઓફિસ ખાતે ટપાલ બુકિંગ, વિતરણ વ્યવસ્થા, રોકડ વ્યવસ્થાપન તેમજ આધાર નોંધણી અને આધાર સંબંધિત સેવાઓની કામગીરીની ઝીણવટભરી સમીક્ષા કરી હતી અને ઉત્કૃષ્ટ સેવાઓની પ્રશંસા કરી તેનો વ્યાપ વધુ વધારવા સૂચન કર્યું હતું.નાગરિકોની અવરજવર અને સુવિધાઓને ધ્યાને રાખીને યોગ્ય જગ્યાની આવશ્યકતા પર ભાર મૂકતા કલેક્ટરએ નવા મકાન માટે યોગ્ય જગ્યા કે જમીનની માંગણી કરવા પોસ્ટલ અધિકારીઓને માર્ગદર્શન પૂરું પાડ્યું હતું. રાજકોટ પોસ્ટલ ડિવિઝનના સહાયક અધિક્ષક અધિકારી તથા મોરબી મુખ્ય પોસ્ટ ઓફિસનાં પોસ્ટ માસ્ટર વર્ષાબેન મહેતા ઉપસ્થિત રહ્યા હતા.
