જમીન ટુકડા ધારામાં સુધારા સહિતના વિધેયકો લાવવાની તૈયારી – સત્તાવાર તારીખો ટૂંક સમયમાં
ગુજરાત: વિધાનસભાનું ચોમાસુ સત્ર સપ્ટેમ્બરના બીજા સપ્તાહે મળી શકે છે. સૂત્રોના મુજબ આ સત્ર બે થી ત્રણ દિવસનું રહેવાની શક્યતા છે. ટૂંકા ગાળાના સત્રમાં સરકાર મહત્વના સુધારા વિધેયકો મૂકી શકે છે.
સત્ર દરમિયાન જમીન ટુકડા ધારા (Land Fragmentation Act)માં સુધારા સહિતના પ્રસ્તાવિત કાયદાકીય ફેરફારો રજૂ કરવાના સંકેતો છે. અન્ય કેટલાક સુધારા વિધેયકો પણ એજન્ડા પર હોવાની ચર્ચા છે.
રાજ્ય સરકાર અને વિધાનસભા તંત્રએ સત્ર માટે આંતરિક આયોજન શરૂ કર્યું છે. સભ્યો સંબંધિત પ્રક્રિયા, બેઠક વ્યવસ્થા, પ્રશ્નોત્તરી તથા વિધેયકોની કામગીરીને લઇ તૈયારીઓ ચાલી રહી છે. સત્રની સત્તાવાર તારીખો ટૂંક સમયમાં જાહેર થવાની શક્યતા વ્યક્ત થઇ રહી છે.
વિપક્ષ તરફથી જાહેરહિતના મુદ્દાઓ અને રાજ્ય વિકાસ સંબંધિત પ્રશ્નો ઉઠાવવાની સંભાવના છે, જ્યારે સરકાર નીતિઓ અને કાયદાકીય સુધારાઓ આગળ ધપાવવા પ્રાથમિકતા આપશે. તેથી ટૂંકું હોવા છતાં આ સત્ર રાજકીય રીતે મહત્વનું બની શકે છે.
