વાંકાનેર: 25 સપ્ટેમ્બર, શુક્રવારના રોજ જરૂરિયાતમંદ દર્દીઓને સમયસર રક્ત મળી રહે તેવા સેવાભાવી હેતુ સાથે યુવા સારથી સંગઠન દ્વારા મહારક્તદાન કેમ્પનું આયોજન કરવામાં આવ્યું છે. યુવા સારથી સંગઠનના પ્રમુખ જયેન્દ્રસિંહ મઘુભા ઝાલાના જન્મદિવસ નિમિત્તે યોજાનાર આ કેમ્પ વિશ્વકર્મા મંદિર, જીનપરા, વાંકાનેર ખાતે સાંજે 4:00થી રાત્રે 10:00 વાગ્યા સુધી યોજાશે.
વિવિધ તબીબી પરિસ્થિતિઓમાં દર્દીઓને રક્તની જરૂરિયાત રહેતી હોય છે, જેમાં થેલેસેમિયા સહિતના દર્દીઓ માટે નિયમિત રક્ત ઉપલબ્ધ રહેવું મહત્વપૂર્ણ છે. આ હેતુસર સ્વૈચ્છિક રક્તદાનને પ્રોત્સાહન આપવા અને રક્તની ઉપલબ્ધતા જાળવવાના ઉદ્દેશથી મહારક્તદાન કેમ્પનું આયોજન કરવામાં આવ્યું છે.
કેમ્પને વાંકાનેરની વિવિધ સામાજિક અને સેવાકીય સંસ્થાઓનો સહયોગ પ્રાપ્ત થયો છે. જીવદયા / સેવા ગ્રુપ, ગાયત્રી શક્તિપીઠ વાંકાનેર, દેવદયા ચેરીટેબલ ટ્રસ્ટ, રાષ્ટ્રીય સ્વયંસેવક સંઘ, અજરામર એક્ટિવ અસૉર્ટ, AAA ગ્રુપ વાંકાનેર, ભારત વિકાસ પરિષદ, વેલનાથ મિત્ર મંડળ, સિદ્ધેશ્વર મહાદેવ મિત્ર મંડળ, ચંદ્રમોલેશ્વર મહાદેવ મિત્ર મંડળ, અનકુંવરબા ધામ સેવા સમિતિ, બાપા સીતારામ ગ્રુપ, ગંગેશ્વર મહાદેવ મિત્ર મંડળ, નર્મદેશ્વર મહાદેવ મિત્ર મંડળ, ગૌ રક્ષક ગ્રુપ, બાલા હનુમાન ગ્રુપ, સ્મશાન સેવા સમિતિ, બોલ બાલા ટ્રસ્ટ, શ્રમ સિદ્ધિ ગ્રુપ અને શ્રી ગઢીયા હનુમાન મિત્ર મંડળ સહિતની સંસ્થાઓ આ સેવાકીય આયોજનમાં સહયોગી બની છે.
યુવા સારથી સંગઠન દ્વારા નાગરિકોને સ્વૈચ્છિક રક્તદાન માટે જોડાવા અપીલ કરવામાં આવી છે. રક્તદાન કરનાર દરેક રક્તદાતાનું પ્રમાણપત્ર આપી સન્માન કરવામાં આવશે. એક વ્યક્તિ દ્વારા કરવામાં આવેલું રક્તદાન જરૂરિયાતમંદ દર્દી માટે જીવનદાયી બની શકે છે, ત્યારે વધુમાં વધુ લોકો આ સેવાકીય અભિયાનમાં જોડાય તેવી અપીલ કરવામાં આવી છે.
મહારક્તદાન કેમ્પ અંગે વધુ માહિતી મેળવવા અથવા રક્તદાન માટે નામ નોંધાવવા WhatsApp નંબર 8799239442 (યુવા સારથી સંગઠન, વાંકાનેર) પર સંપર્ક કરી શકાય છે. (અહેવાલ : અજય કાંજીયા)
