અનધિકૃત બાંધકામો સામે તંત્રની કડક કાર્યવાહી, 150થી 200 જેટલા મકાનો પર બુલડોઝર ફરી વળ્યું
મોરબી, તા. 08 ઓક્ટોબર, 2026: મોરબી શહેરના પંચાસર રોડ વિસ્તારમાં અનધિકૃત બાંધકામો સામે તંત્ર દ્વારા ચુસ્ત પોલીસ બંદોબસ્ત સાથે મેગા ડિમોલિશન કામગીરી હાથ ધરવામાં આવી હતી. લાંબા સમયથી ઉભા રહેલા અનધિકૃત બાંધકામોને દૂર કરવા માટે તંત્રની ટીમો દ્વારા સ્થળ પર પહોંચી કાર્યવાહી શરૂ કરવામાં આવી હતી.
પંચાસર રોડ વિસ્તારમાં આવેલા અંદાજે 150થી 200 જેટલા અનધિકૃત મકાનોને તંત્રની ડિમોલિશન કામગીરી હેઠળ આવરી લેવામાં આવ્યા હતા. કામગીરી દરમિયાન બુલડોઝરની મદદથી અનધિકૃત બાંધકામો દૂર કરવામાં આવ્યા હતા, જેના પગલે સમગ્ર વિસ્તારમાં તંત્રની કડક કાર્યવાહી જોવા મળી હતી.
તંત્ર દ્વારા અગાઉથી સંબંધિત બાંધકામ ધારકોને નોટિસ પાઠવી અનધિકૃત બાંધકામો દૂર કરવા અંગે જાણ કરવામાં આવી હતી. તેમ છતાં નોટિસ બાદ પણ જરૂરી કાર્યવાહી ન થતાં આખરે તંત્ર દ્વારા મેગા ડિમોલિશન ઓપરેશન હાથ ધરવામાં આવ્યું હતું.
ડિમોલિશન કામગીરી દરમિયાન તંત્રના અધિકારીઓ અને કર્મચારીઓની ટીમો દ્વારા સમગ્ર પ્રક્રિયા હાથ ધરવામાં આવી હતી. અનધિકૃત દબાણો અને બાંધકામો સામે તંત્રની આ કાર્યવાહીથી વિસ્તારમાં કાયદેસર વ્યવસ્થા અને જાહેર માર્ગોની સુવ્યવસ્થા જાળવવા માટે કડક અભિગમ અપનાવવામાં આવ્યો હોવાનું સ્પષ્ટ થયું છે.
