કેન્દ્રની: મોદી સરકારે દેશના લાખો રેલવે કર્મચારીઓને દિવાળી પહેલા મોટી ભેટ આપી છે. આજે બુધવારે મળેલી મોદી કેબિનેટે ત્રણ મોટા નિર્ણયો લીધા છે. જે હેઠળ રેલવેના કર્મચારીઓ માટે 78 દિવસના પરફોર્મન્સ લિંક્ડ બોનસને મંજૂરી આપવામાં આવી છે. દિવાળી પહેલા આશરે સાડા અગિયાર લાખ કર્મચારીઓને આ બોનસ આપવામાં આવશે, જેના માટે 2009 કરોડ રૂપિયાની મંજૂરી આપવામાં આવી છે. દિવ્યાંગ પેન્શન નિયમોમાં મહત્ત્વપૂર્ણ ફેરફારો : દિવ્યાંગો માટે પહેલા 80 ટકા થ્રેશોલ્ડ હતો તેને હવે અડધો કરીને 40 ટકા પર જ આપવામાં આવશે.
સાથે જ હવે જન્મથી જ દિવ્યાંગોને પેન્શન આપવામાં આવશે. પહેલા 18 વર્ષની ઉંમરથી આપવામાં આવતું હતું. સોશિયલ સિક્યોરિટી નેટને વધારીને 53,428 કરોડ રૂપિયાની જોગવાઈ કરવામાં આવી.Loading tweet… કેબિનેટના નિર્ણયો અંગે માહિતી આપતા કેન્દ્રીય મંત્રી અશ્વિની વૈષ્ણવે જણાવ્યું- : સરકારે આજે ત્રણ ખૂબ જ મહત્ત્વપૂર્ણ નિર્ણયો લીધા છે. જેમાંથી પહેલો નિર્ણય રેલવેના લગભગ 11.40 લાખ કર્મચારીઓને 78 દિવસનું બોનસ આપવાનો છે.
તેમણે આને દિવસ-રાત મહેનત કરનારા રેલ કર્મચારીઓ માટે દિવાળીની ભેટ ગણાવી, જેઓ તહેવારો દરમિયાન પણ પોતાના પરિવારોથી દૂર પાટા, ટ્રેનો અને વર્કશોપમાં સતત કામ કરે છે. આ બોનસ માટે સરકાર કુલ મળીને લગભગ 2,009 કરોડ રૂપિયા ખર્ચ કરશે. બીજો નિર્ણય દેશના સોશિયલ સિક્યોરિટી નેટને 2031 સુધી વધારવાનો અને તેનો વિસ્તાર કરવાનો છે, જેના માટે 53,428 કરોડ રૂપિયાનું બજેટ રાખવામાં આવ્યું છે. ત્રીજા નિર્ણય હેઠળ દિવ્યાંગતા પેન્શનના નિયમોને સરળ બનાવવામાં આવ્યા છે. પહેલા ઓછામાં ઓછી 80 ટકા દિવ્યાંગતા હોવા પર જ આ પેન્શન મળતું હતું, પરંતુ હવે આ સીમાને અડધી ઘટાડીને 40 ટકા કરી દેવામાં આવી છે, એટલે કે હવે 40 ટકા દિવ્યાંગતા ધરાવતી વ્યક્તિ પણ પેન્શન માટે હકદાર બનશે.
દિવ્યાંગજનો માટે સામાજિક સુરક્ષા બેવડાઈ : સરકારના દાવા મુજબ હવે દિવ્યાંગ વ્યક્તિઓને જન્મથી જ પેન્શન યોજના હેઠળ કવર કરવામાં આવશે. જેનો અર્થ એ છે કે દિવ્યાંગજનો માટે સામાજિક સુરક્ષાનો દાયરો બે રીતે વધશે, પહેલું, પેન્શન મેળવવાની પાત્રતાની સીમા (દિવ્યાંગતા ટકાવારી) ઓછી કરીને અને બીજું, તેના લાભાર્થીઓની સંખ્યામાં મોટો વધારો કરીને.
