શોકાતુર પરિવારોને વેળાસર સહાય મળે તે હેતુ– ગામના કોઈપણ પરિવાર માટે ઉપયોગી રહેશે
મોરબી : મોરબીમાં વસતા અને મૂળ જૂનાગઢ જિલ્લાના જૂથળ ગામના પાટીદાર પરિવારોના ગ્રુપે પોતાના વતન જૂથળ માટે શાંતિ રથ અર્પણ કર્યો છે. ઉદ્દેશ એવો છે કે અંતિમવિધિ સમયે શોકાતુર પરિવારોને તાત્કાલિક વાહનની સગવડ મળે.
ગ્રુપ મુજબ, અંતિમ સમયે પરિવારોને પડતી તકલીફોને ધ્યાનમાં રાખીને ઉપયોગી સેવા રૂપે શાંતિ રથ આપવાનો નિર્ણય કરવામાં આવ્યો અને આ વિચારોને અમલમાં મૂકી સમગ્ર ગામને રથ ભેટ આપવામાં આવ્યો.
ગ્રુપે જણાવ્યું કે જ્યારે પણ જૂથળ ગામના કોઈપણ પરિવારને જરૂર પડશે ત્યારે આ શાંતિ રથ તેમની માટે ઉપલબ્ધ રહેશે તેવી આશા રાખવામાં આવી છે.
