મોરબીના જેતરોડ ઉપર આવેલ બંધ પડેલ સિરામિક કારખાનાનો હાલમાં મોર્ડન પોલિમર્સ નામનું પ્લાસ્ટિકની ચેર બનાવવાનું કારખાનું ચાલુ હતું ત્યાં રોમટીરીયલ તેમજ ગોડાઉન તરીકે ઉપયોગ કરવામાં આવતો હતો તે ગોડાઉનમાં પ્લાસ્ટિકની ખુરશીઓ મૂકી હતી ત્યાં આગ લાગતા અને મોડી રાત્રીને આગે વિકરાળ રૂપ ધારણ કરી લીધું હોવાથી હાલમાં મેજર કોલ જાહેર કરવામાં આવ્યો હતો
અને કલાકોની જહેમત બાદ ફાયરની ટીમે આગ ઉપર કાબુ મેળવ્યો હતો. જેતપર રોડ ઉપર આવેલ ઇટા મેક્સ નામનું કારખાનું છેલ્લા ઘણા સમયથી બંધ પડ્યું છે અને તેના શેડને ભાડે આપવામાં આવ્યો હતો અને ત્યાં મોર્ડન પોલીમર્સ નામનું કારખાનું છે
આ કારખાનાની અંદર પ્લાસ્ટિક દાણાનો ઉપયોગ કરીને પ્લાસ્ટિકની ખુરશીઓ બનાવવા માટેનું કામકાજ કરવામાં આવતું હતું દરમ્યાન ગુરુવારે રાત્રિના 8:00 વાગ્યા સુધી ત્યાં કામકાજ ચાલુ હતું. અને ત્યાર બાદ 8:30 વાગ્યાના અરસામાં કોઈ કારણોસર કારખાનામાં આગ લાગી હતી અને કારખાનામાં પડેલ પ્લાસ્ટિક રોમટીરીયલ તથા પ્લાસ્ટિકની તૈયાર ખુરશીઓ મૂકી હતી ત્યાં સુધી આગ પ્રસરી ગઈ હતી જે અંગેની કારખાનામાં કામ કરતા શ્રમિકો દ્વારા કારખાનેદારને જાણ કરવામાં આવતા કારખાનેદારે આ બનાવની મોરબી મહાનગરપાલિકાના ફાયર વિભાગને જાણ કરી હતી. ફાયરની ટીમ બે ફાયર ફાઈટર સાથે સ્થળ ઉપર પહોંચી હતી
જોકે, આગ વધુ પ્રસરી ગઈ હોવાના કારણે મેજર કોલ જાહેર કરવામાં આવ્યો હતો અને વધુ બે ફાયર ફાઈટરને સ્થળ ઉપર બોલાવવામાં આવ્યા હતા . અને એકી સાથે ચાર ફાઈટરને કામે લગાડીને કારખાનામાં લાગેલી આગને કાબુમાં કરવા માટેના પ્રયત્નો શરૂ કર્યા હતા અને ચાર કલાક જેટલા સમય સુધી સતત પાણીનો મારો ચાલુ રાખીને આગને કાબુમાં લેવામાં આવી હતી
જોકે, પ્લાસ્ટિક મટીરીયલની અંદર આગ પ્રસરિ ગઈ હોવાના કારણે હજુ પણ પવન લાગતાની સાથે જ આગ શરૂ થઈ જતી હોવાના કારણે ફાયર ફાઈટર તથા ફાયરની ટીમને સ્થળ ઉપર જ રાખવામાં આવી હોવાનું ફાયર ઓફિસર જયેશભાઈ ડાકીએ જણાવ્યુ હતું. વધુમાં કારખાનેદાર મહેન્દ્રભાઈ આદ્રોજાના જણાવ્યા પ્રમાણે પ્લાસ્ટિક રોમટીરીયલ તથા પ્લાસ્ટિકની તૈયાર ચેરનો જથ્થો જ્યાં પડ્યો હતો તે વિભાગની અંદર આગ લાગી છે જેથી કરીને તેઓને લાખો રૂપિયાનું નુકસાન થયેલ છે સદનસીબે મશીનરી જે બાજુ મૂકવામાં આવી હતી ત્યાં આગ વધુ પ્રસરી ન હોવાના કારણે મશીનરીમાં પ્રમાણ માં ઓછું નુકસાન થયું છે અને કોઈ જાનહાનિ થયેલ નથી.
